Catalydd Biofeddygol 2022 Rownd 2: Mae cystadleuaeth ariannu ymchwil a datblygu dan arweiniad y diwydiant bellach ar agor i geisiadau tan 12 Hydref. Mae cyfran o hyd at £25 miliwn ar gael gan Innovate UK ar gyfer datblygu atebion arloesol i heriau gofal iechyd.
Gall ymgeiswyr gyflwyno prosiectau ymchwil a datblygu nad ydynt eto’n barod ar gyfer y farchnad, yn canolbwyntio ar unrhyw sector neu ddisgyblaeth gofal iechyd, gan gynnwys iechyd digidol. Mae’r pynciau posibl i’w harchwilio yn cynnwys y canlynol, ond heb fod yn gyfyngedig iddynt:
- Atal clefydau a rheoli iechyd a chyflyrau cronig yn rhagweithiol.
- Canfod a diagnosio clefydau’n gynt ac yn well er mwyn gwella’r canlyniadau i gleifion.
- Triniaethau wedi’u teilwra sydd un ai’n newid y clefyd sylfaenol neu’n cynnig atebion posibl.
- Trawsnewid darpariaeth gofal iechyd.
Pwy all wneud cais?
Rhaid i’ch prif sefydliad fod yn fusnes micro, bach neu ganolig sydd wedi’i gofrestru yn y DU. Gall y rhai sy’n cyflwyno cais ar y cyd fod yn fusnes o unrhyw faint, yn sefydliad academaidd, yn elusen, yn sefydliad nid-er-elw, yn sefydliad sector cyhoeddus, neu’n sefydliad ymchwil a thechnoleg.
Dylai ymgeiswyr ddangos tystiolaeth gyfredol o ddichonoldeb masnachol a thechnegol. Rhaid iddynt hefyd egluro sut y byddant yn gwella cystadleurwydd a chynhyrchiant o leiaf un BBaCh yn y DU sy’n rhan o’r prosiect.
Gwybodaeth allweddol a dyddiadau ar gyfer gwneud cais
15 Awst: Y gystadleuaeth yn agor
23 Awst, 11:30am: Digwyddiad briffio ar-lein
12 Hydref 2022, 11:00am: Y gystadleuaeth yn cau
I ddysgu mwy am sut i wneud cais a’r broses ymgeisio, ewch i wefan y Gwasanaeth Ariannu Arloesedd.
Ewch i dudalennau gwe’r Gwasanaeth Ariannu Arloesedd i gael rhagor o wybodaeth a chysylltu â hello@lshubwales.com i gael cymorth gyda cheisiadau ar y cyd.