Gwerthusiad gwasanaeth NGPOD ar gyfer profion bwydo nasogastrig

Mae tîm amlddisgyblaethol o bartneriaid yn cydweithio i ddeall y gwerth a geir o ddefnyddio’r ddyfais brofi NGPOD arloesol ar gyfer cleifion sydd angen tiwbiau bwydo nasogastrig. Defnyddir y rhain pan na all cleifion lyncu bwyd, hylifau neu feddyginiaeth

Mae profi’n hanfodol gan fod tiwb sydd wedi’i osod yn anghywir yn gallu arwain at ganlyniadau negyddol. Fodd bynnag, gall y drefn brofi bresennol gymryd llawer o amser, sy’n galw am ddehongli’r mesur pH, gyda’r claf hefyd o bosibl angen pelydr x i gadarnhau’r canlyniadau.

Mae NGPOD Global Ltd wedi datblygu NGPOD i helpu i gael gwared ar yr heriau hyn. Mae’r dechnoleg hon yn defnyddio synwyryddion hyblyg sy’n cael eu mewnosod yn y tiwb nasogastrig i bennu lefel pH ddiogel yn gyflym ac yn gywir, ac a all bwydo trwy nasogastrig ddechrau.

Mae NGPOD Global yn ariannu’r gwaith o werthuso’r gwasanaeth, yn cyflenwi’r dyfeisiau a darparu hyfforddiant i staff gofal iechyd ym Mwrdd Iechyd Prifysgol Bae Abertawe a Bwrdd Iechyd Prifysgol Hywel Dda, lle bydd y dyfeisiau’n cael eu treialu yn eu wardiau strôc gofal eilaidd.

Ar ben hynny, mae Hwb Gwyddorau Bywyd Cymru wedi bod yn darparu gwasanaethau datblygu prosiectau, ymgysylltu â rhanddeiliaid a chymorth cyfathrebu, a bydd TriTech yn ysgrifennu’r gwerthusiad terfynol gan ddefnyddio dadansoddiad Gofal Iechyd Seiliedig ar Werth.

I gael rhagor o wybodaeth am y prosiect, cysylltwch drwy anfon e-bost at hello@lshubwales.com.