Mae Bwrdd Iechyd Prifysgol Cwm Taf Morgannwg, Digipharm, Roche Diagnostics a Hwb Gwyddorau Bywyd Cymru yn cydweithio i ddatblygu ac i asesu dull caffael arloesol seiliedig ar werth sy’n cyflawni gwerth a chanlyniadau sy’n bwysig i gleifion ac i staff gofal iechyd. Bydd hyn yn canolbwyntio ar addasu dulliau presennol o ddiagnosio cleifion sydd â methiant y galon a datblygu prosesau a fydd yn cyfrannu at benderfyniadau caffael. Y prawf diagnosis o fethiant y galon yr ymchwilir iddo yw NTproBNP, prawf gwaed syml a chyflym sy’n mesur nifer y proteinau y mae’r galon yn eu cynhyrchu pan fydd yn wynebu straen.
Bydd yr holl bartneriaid yn gweithio’n agos drwy gydol y prosiect, a fydd yn cael ei ddarparu ym Mwrdd Iechyd Prifysgol Cwm Taf Morgannwg lle bydd timau clinigol, caffael, gweithredol a gwybodeg yn cefnogi’r gwaith.
Mae Roche yn gweithgynhyrchu ac yn darparu NTproBNP, ynghyd â chymorth gwella ansawdd a mewnbwn caffael i'r prosiect.
Mae'r prosiect yn defnyddiollwyfan contractio clyfar Digipharm i gasglu a rheoli data canlyniadau a fydd yn darparu gwybodaeth am gymorth penderfyniadau i glinigwyr a thimau caffael.
Mae Hwb Gwyddorau Bywyd Cymru yn cynnig cymorth rheoli prosiectau a chyfathrebu.
I gael rhagor o wybodaeth am y prosiect, cysylltwch â ni drwy e-bostio hello@lshubwales.com
- Betsi Cadwaladr University Health Board
- Cwm Taf Morgannwg University Health Board
Bwrdd Iechyd Prifysgol Cwm Taf Morgannwg, Digipharm, Roche Diagnostics, Hwb Gwyddorau Bywyd Cymru
10 Tachwedd 2021
Prosiect wedi ei lawnsio yn Wythnos Gwerth mewn Iechyd 2021
test
test
Gall Byrddau Iechyd wella’r modd y caiff cleifion eu rheoli a’u canlyniadau os byddant yn gwella’r defnydd o NTproBNP. Fodd bynnag, ar hyn o bryd nid oes gan Fwrdd Iechyd Prifysgol Cwm Taf Morgannwg ddull gweithredu cyson ar gyfer defnyddio NTproBNP, felly mae’n cael ei ddefnyddio’n wahanol ar draws y Bwrdd Iechyd.
Er mwyn helpu i fynd i’r afael â hyn, mae angen i ni ddeall llwybrau cleifion, y gweithlu ac atgyfeirio cleifion yn llawn, a chymorth hyfforddiant meddygol yng nghyd-destun defnyddio NTproBNP. Bydd hyn yn helpu i greu dull mwy cynaliadwy o gaffael sy’n seiliedig ar dystiolaeth, gan gynnwys deall sut mae profion NTproBNP yn cael eu defnyddio ar hyn o bryd yn y llwybr methiant cronig y galon.
Ar ddiwedd y prosiect, ceir dull prynu cydweithredol arfaethedig i weithredu NTProBNP yn y tymor hir, a fydd yn cael ei ategu gan ddata Bwrdd Iechyd Prifysgol Cwm Taf Morgannwg a chytundeb contractio sy’n seiliedig ar ganlyniadau. Gallai’r wybodaeth hon wedyn weithredu fel yr arfer gorau ar gyfer adrannau eraill a Byrddau Iechyd sy’n dymuno ymgorffori caffael sy’n seiliedig ar werth cynaliadwy yn eu llif gwaith.
test