Technoleg Iechyd Cymru: Adroddiadau Archwilio Mabwysiadu 2023/24

Mae’r sefydliad, sy’n cael ei ariannu gan Lywodraeth Cymru a’i letya gan Ymddiriedolaeth GIG Prifysgol Felindre, yn asesu technolegau iechyd a gofal anfeddygol, ac yn cyhoeddi canllawiau cenedlaethol ar eu defnydd yng Nghymru. 

Mae’n cynnal archwiliad mabwysiadu yn flynyddol, i ganfod a yw argymhellion canllawiau HTW wedi cael eu mabwysiadu gan fyrddau iechyd yng Nghymru.

Canolbwyntiodd archwiliad eleni ar 11 canllaw HTW a thri chanllaw Gwerthuso Technolegau Meddygol (MTEP) NICE. Mae canfyddiadau allweddol o archwiliad eleni yn cynnwys y canlynol: 

• Mae ymatebion gan sefydliadau lle'r oedd y canllawiau'n berthnasol, yn dangos bod ymwybyddiaeth uchel o'r canllawiau (79%), bod yr argymhellion yn y canllawiau yn eglur (96%), a bod y canllawiau yn cael effaith yn y rhan fwyaf o achosion (72%).  Mae'r ffigurau hyn yn gyson ag archwiliad y llynedd, neu'n welliant arno.
• Er y nodwyd bod y canllawiau’n eglur iawn, roedd rhai achosion lle nad oedd sefydliadau’n deall cylch gorchwyl canllawiau HTW yn llawn. Cafwyd sylwadau ynghylch y diffyg gwybodaeth ynghylch o ble y byddai cyllid ac adnoddau ychwanegol yn dod, a chwestiynau ynghylch gweithredu’r dechnoleg, sydd ddim o fewn cylch gorchwyl canllawiau HTW.
• Yn gyffredinol, glynwyd at ganllawiau HTW sy'n argymell mabwysiadu technoleg fel mater o drefn,  er bod rhai enghreifftiau lle nad oedd sefydliadau wedi cadw at yr argymhelliad, neu'n ansicr a fyddent yn gwneud hynny.
• Ar gyfer canllawiau HTW sy’n cefnogi mabwysiadu technolegau’n “rhannol” fel mater o drefn, yn gyffredinol, roedd sefydliadau naill ai’n teimlo nad oedd y canllawiau’n ddigonol i newid polisi comisiynu neu arfer clinigol, neu roeddent yn ansicr.
• Roedd tri chanllaw NICE a archwiliwyd yn argymell defnyddio technoleg. Roedd effaith y tri chanllaw ar wneud penderfyniadau yn amrywio, o ddim effaith i effaith fawr.

I ddarganfod mwy a darllen adroddiad Archwiliad Mabwysiadu HTW 2023/24 yn llawn, cliciwch yma.