Mewn partneriaeth ag Academi’r Gwyddorau Meddygol, cynhaliwyd digwyddiad olaf ein Rhaglen Traws-Sector ar gyfer 2024/25 yn M-Sparc, gogledd Cymru ar 5 Chwefror 2025.
Colette Buckley
Rheolwr Cyflawni Partneriaethau
Edrych ar lesiant mewn gofal canser
Dan gadeiryddiaeth Jason Lintern (Arweinydd Arloesi Iechyd, Llywodraeth Cymru), roedd y digwyddiad yn gyfle i edrych ar sut y gall addysg, arloesedd ac ymchwil lywio a gwella llesiant mewn gofal canser. Gyda grŵp amrywiol o gydweithwyr yn yr ystafell, gan gynnwys clinigwyr canser arbenigol, roedd yn amlwg bod llawer o bobl yn cyfrannu’n weithredol at wella llesiant cleifion ledled Cymru.
Rôl Canolfannau Cymorth Canser Macmillan
Rhannodd cydweithwyr o Fwrdd Iechyd Prifysgol Betsi Cadwaladr a Cymorth Canser Macmillan gipolwg ar sut mae gwasanaethau cymorth yn cael eu darparu ar draws tair canolfan yng ngogledd Cymru: Ysbyty Gwynedd, Wrecsam Maelor ac Ysbyty Glan Clwyd.
Llais y claf
Roedd Lowri Griffiths (Tenovus) yn atgyfnerthu pa mor bwysig yw llais y claf, a’u grymuso a'u hannog i lunio polisïau ar lefel genedlaethol a chymunedol.
Roedd ei sgwrs yn gosod y llwyfan ar gyfer trafodaethau grŵp, a oedd yn cael eu hystyried gan y rhai a oedd yn bresennol fel yr adnoddau mwyaf gwerthfawr ar gyfer gofal cyfannol, cymorth iechyd meddwl, a rhannu gwybodaeth yn effeithiol â’r rhai y mae canser yn effeithio arnynt.
Ymchwil ar y cyd: Prosiect THRIVE
Tynnodd y digwyddiad sylw at bŵer cydweithio. Daeth Joshua Tree a Phrifysgol Edge Hill, gyda chefnogaeth North West Cancer Research, at ei gilydd i lansio prosiect THRIVE, menter sy’n canolbwyntio ar wella cymorth canser drwy ymchwil ac arloesi.
Gwersi allweddol a chyfeiriadau i’w dilyn yn y dyfodol
- Mae’n allweddol cynnwys cleifion a’r cyhoedd yn y gwaith o ddatblygu gwasanaethau ac ymchwil
- Mae gan y trydydd sector lawer o bartneriaid parod sy’n awyddus i gydweithio er budd cleifion – cysylltwch â nhw!
- Mae cyfoeth o ymchwil ar gael, o dreialon clinigol i gynlluniau peilot – sut mae lledaenu’r dysgu hwn ledled Cymru?
Beth am gymryd rhan!
Os oes gennych chi ddiddordeb mewn cydweithio neu os oes gennych chi syniad i wella canlyniadau canser, cysylltwch â ni yn helo@hwbgbcymru.com.
