Mae Mind Cymru yn darparu cymorth, eiriolaeth, cyngor a gwybodaeth i blant a phobl ifanc ag anawsterau emosiynol a/neu ymddygiadol, ac oedolion â phroblemau iechyd meddwl yng Nghymru. Mae yna 16 Mind lleol yng Nghymru, ac mae pob un yn cynnig gwasanaethau iechyd meddwl sydd wedi'u teilwra i'w cymuned leol.
Mae Prostate Cymru yn darparu cymorth,
addysg a chyngor ymarferol, a datblygu'r broses o addysgu'r cyhoedd ym mhob maes sy’n ymwneud â phroblemau’r Prostad a hyrwyddo a dylanwadu ar ofal, cyfranogiad a chymorth effeithiol i bobl sy'n cael eu heffeithio gan broblemau’r Prostad, gan gynnwys drwy barhau i ariannu llawdriniaethau laser golau gwyrdd yng Nghymru.
Mae Aren Cymru yn canolbwyntio ar hyrwyddo, darparu, cynnal a chadw a gwella unedau arennol mewn ysbytai, ysgolion meddygaeth a phrifysgolion; drwy ddarparu neu'n gysylltiedig ag offer, labordai, cyfleusterau neu bersonél o unrhyw fath a fwriedir i liniaru'r bobl hynny a thrwy hybu ymchwil feddygol i glefydau arennol a chlefydau eraill.
Mae Sight Cymru yn darparu gwasanaethau i
liniaru effeithiau colled synhwyraidd ar bobl yng Nghymru, gan gynnwys cymorth Clinig Llygaid ac Adsefydlu ar gyfer Pobl â Nam ar y Golwg, cwnsela, cymorth emosiynol, cyfeillio, gweithgareddau, llinell gymorth dros y ffôn, gweithgareddau cymdeithasol, hyfforddiant a chanolfan adnoddau cynhwysfawr sy’n cynnig cyngor, gwybodaeth ac eiriolaeth. Mae'r elusen hefyd yn annog strategaethau ataliol i osgoi dallineb.
Mae Parlys yr Ymennydd Cymru yn darparu therapi arbenigol i blant yng Nghymru sydd â pharlys yr ymennydd.
Nod Ymchwil Canser Cymru yw lleddfu salwch a hybu iechyd da drwy ddatblygu gwybodaeth a dealltwriaeth o ganser a’i dechnegau trin ac atal posib, gan ddarparu a chefnogi cyfleusterau ar gyfer ymchwil canser o ansawdd uchel yng Nghymru.
Hosbis i blant yw Tŷ Hafan sy’n anelu at gynnig gofal a chymorth o safon uchel am ddim i deuluoedd plant yng Nghymru y disgwylir iddyn nhw farw yn ystod plentyndod.
Mae Sefydliad Moondance yn
dyrannu arian i sefydliadau at ddibenion elusennol cyffredinol, gan gynnwys elusennau eraill, grwpiau cymunedol a gyfansoddwyd, mentrau cymdeithasol, Sefydliadau Budd Cymunedol, Cwmnïau Buddiannau Cymunedol a sefydliadau dielw, gyda gogwydd tuag at sefydliadau Cymreig. Mae'r sefydliad yn canolbwyntio rhoddion yn y meysydd allweddol canlynol; gofal am salwch/afiechydon niweidiol, plant, addysg, yr henoed, yr amgylchedd a thlodi.
Nod cyffredinol Tenovus yw nodi cyfleoedd i ariannu ymchwil o ansawdd uchel i ganserau mawr sy'n effeithio ar ddynion, menywod a phlant. Yn ogystal, nod Tenovus yw darparu cymorth ariannol seicolegol, seicogymdeithasol ac ymarferol i bobl sy'n cael eu heffeithio gan ganser, i addysgu a chodi ymwybyddiaeth o faterion canser ymhlith y cyhoedd a gweithwyr gofal iechyd proffesiynol.
Mae Blake Morgan yn gwmni cyfreithiol cenedlaethol sydd ag ymrwymiad tymor hir i Gymru. Rydyn ni’n gwasanaethu entrepreneuriaid, arloeswyr, mudiadau nid-er-elw, corfforaethau, y GIG, llywodraeth ddatganoledig, llywodraeth leol a rheoleiddwyr.
