Gwasanaethau Cymorth Arloesi

Mae’r Moondance Cancer Initiative yn canfod, yn ariannu ac yn ysgogi pobl arbennig a syniadau dewr i wneud Cymru’n arweinydd byd-eang ym maes goroesi canser. Ei nod yw cyflymu gwelliant sylweddol a pharhaus mewn canlyniadau goroesi canser dros y 10 i 15 mlynedd nesaf. Maent yn sefydliad nid-er-elw sy’n ariannu gwaith arloesi a gweithredu byw mewn lleoliadau clinigol a all gael effaith ar unwaith ar ganlyniadau goroesi canser i gleifion yng Nghymru.

Mae MediWales yn sefydliad aelodaeth gwyddorau bywyd yng Nghymru sy’n trefnu digwyddiadau, dyfarniadau a grwpiau diddordeb arbennig mewn amrywiaeth o sectorau gwyddorau bywyd.

Mae Sefydliad Gwyddorau Bywyd Prifysgol Abertawe yn gartref i labordai ymchwil a chyfleusterau deori busnes ar gyfer sefydliadau masnachol.

Mae Diwydiant Cymru yn cynnal fforymau arbenigol yn y sectorau awyrofod, moduro, meddalwedd a thechnoleg. Mae’r fforymau hyn yn darparu ystod o wasanaethau i gefnogi cwmnïau sydd eisoes wedi’u sefydlu yng Nghymru, yn ogystal â cheisio denu cwmnïau i Gymru.

Mae Technoleg Iechyd Cymru (HTW) yn gorff cenedlaethol sy’n gweithio i wella ansawdd gofal yng Nghymru trwy gynhyrchu canllawiau ar ddefnydd technolegau newydd. Mae cylch gwaith HTW yn cynnwys unrhyw dechnoleg iechyd nad yw’n feddyginiaeth, fel dyfeisiau meddygol, triniaethau llawfeddygol, therapïau seicolegol, tele-fonitro neu adsefydlu.

Mae Global Welsh yn darganfod ac yn dathlu cyflawniadau a llwyddiant Cymru lle bynnag y maen nhw’n digwydd yn y byd, ac yn ysbrydoli’r genhedlaeth nesaf o arweinwyr, arloeswyr ac anturiaethwyr yng Nghymru.

Mae Cedar (sy’n rhan o Brifysgol Caerdydd a Bwrdd Iechyd Prifysgol Caerdydd a’r Fro) yn canolbwyntio ar werthuso dyfeisiau meddygol a diagnosteg. Mae’n gweithio gyda’r GIG, sefydliadau academaidd, y sector masnachol, sefydliadau a ariennir yn gyhoeddus, ac elusennau.

Mae Busnes Cymru yn gorff Llywodraeth Cymru sy’n darparu cymorth a chyngor i bobl sy’n dechrau, rhedeg a thyfu busnesau yng Nghymru. Mae Busnes Cymru hefyd yn cynnig mynediad at gyfleoedd ariannu Llywodraeth Cymru.

Mae ATiC (sy’n rhan o Brifysgol Cymru y Drindod Dewi Sant) yn ganolfan cefnogi ymchwil a busnes sy’n canolbwyntio ar ddatblygu technolegau cynorthwyol. Mae'r ganolfan yn cynnig mynediad at arbenigedd academaidd a chyfleusterau arloesol, gan gynnwys labordai UX a chyfleusterau prototeipio.

Mae ArloesiAber (sy’n rhan o Brifysgol Aberystwyth) yn cynnig cyfleusterau ac arbenigedd i fusnesau yn y sectorau biotechnoleg, technoleg amaeth, a bwyd a diod. Yn benodol, mae gan ArloesiAber bum canolfan, yn ffocysu ar fioburo, bwydydd y dyfodol, dadansoddi uwch, bio-fancio hadau ac arloesi.