Mae BioExtractions Wales yn darparu gwasanaeth contract o gynhyrchion unigol ac ar wahân fel peptidau a moleciwlau synthetig mawr o gymysgeddau cymhleth. Cynigir y gwasanaethau hyn i’r diwydiannau fferyllol, agrocemegol, cemegol a bwyd.
Mae Afon Technology wedi datblygu Glucowear, monitor glwcos gwaed parhaus nad yw’n fewnwthiol, y gellir ei wisgo, sy’n cysylltu â chymhwysiad symudol. Nid yw'r ddyfais wedi'i lansio eto, ond gallai fod yn addas i gleifion â diabetes fonitro lefelau glwcos eu gwaed.
Mae Carleton Medical yn cyflenwi laserau llawfeddygol i'r GIG a'r sector meddygol preifat.
Mae Agile Kinetic yn gwmni iechyd digidol yn Nhorfaen sydd wedi datblygu cyfres meddalwedd MoveLab. Mae MoveLab yn defnyddio deallusrwydd artiffisial i ganiatáu i asesiadau symud gael eu cynnal wyneb yn wyneb neu o bell, er enghraifft i asesu canlyniadau ar ôl llawdriniaeth. Gall y GIG, iechyd preifat a champfeydd ddefnyddio’r feddalwedd.
Mae RWG Mobile yn rhwydwaith symudol a sefydlwyd i wasanaethu Cymru. Gan adeiladu ar y rhwydwaith hwn, lansiodd RWG iCare, rhaglen sy’n cysylltu dyfeisiau fel monitorau pwysedd gwaed a thermomedrau digidol ac sy’n caniatáu i ofalwyr fonitro cleifion yn eu cartrefi o bell.
Mae Principality Medical yn gwmni mowldio chwistrellau sy'n ymwneud yn bennaf â chynhyrchu cydrannau manwl a thechnegol ar gyfer y sectorau meddygol ac electronig, yn ogystal â chynnig gwasanaethau pecynnu.
Mae Nanopharm yn sefydliad ymchwil contract sy’n darparu astudiaethau cyn-fformiwleiddio, datrysiadau fformiwleiddio a chymorth dadansoddol yn ystod pob cam o ddatblygu cyffuriau a chynhyrchion trwynol a geneuol. Mae’r cwmni wedi’i leoli yng Nghasnewydd.
Mae Haelu yn gwmni technoleg newydd o Gasnewydd, Cymru. Mae Haelu wedi datblygu llwyfan digidol ar gyfer gofal ataliol dan arweiniad y gymuned sy’n integreiddio data presennol i ganiatáu i weithwyr iechyd a gofal cymdeithasol nodi anghenion unigol yn y gymuned.
Mae Biometrics yn gwmni dyfeisiau meddygol sy'n dylunio ac yn gweithgynhyrchu synwyryddion, offerynnau a meddalwedd at ddibenion ymchwil biomecanig ac adsefydlu clinigol. Mae’r rhain yn cynnwys offer ymarfer gyda synwyryddion wedi’u hymgorffori i fonitro cryfder a meddalwedd pwrpasol i ddadansoddi canlyniadau a gesglir gan yr offerynnau hyn.
Mae Axiom yn gwmni gweithgynhyrchu a chadwyn gyflenwi electroneg contract sy’n darparu gwasanaethau i OEMs yn y sector meddygol.
