Mae Flexicare yn dylunio, datblygu, gweithgynhyrchu ac yn cyflenwi dyfeisiau meddygol. Mae portffolio cynnyrch y cwmni'n cwmpasu systemau ar gyfer rheoli'r llwybr anadlu, anadlu o dan anaesthesia, anadlu dan reolaeth peiriant anadlu, therapi ocsigen ac aerosol, dadebru, sugno, a gofal wroleg; cydrannau anaesthesia; a hidlyddion anadlu.
Mae Dynamic Extractions yn gwmni deillio llwyddiannus o Brifysgol Brunel (sydd wedi’i leoli yn Nhredegar erbyn hyn). Cafodd ei sefydlu i fasnacheiddio’r dechnoleg Cromatograffaeth Gwrthgerrynt Hydrodynamig (HdCCC) a ddatblygwyd gan Sefydliad Biobeirianneg Brunel (BIB). Mae gan y dechnoleg y potensial i gael ei ddefnyddio ym maes sgrinio trwybwn uchel ar gyfer darganfod cyffuriau a datblygu prosesau mewn defnydd masnachol ar raddfa fawr.
Mae Biplas yn gwmni mowldio chwistrellau meddygol sy’n cynhyrchu dyfeisiau meddygol ar gyfer triniaethau llawfeddygol a phecynnau biotechnoleg ar gyfer pecynnau profi am firysau.
Mae V-TRAK yn gwmni offer meddygol a nwyddau traul sy’n gweithgynhyrchu ac yn gwerthu cadeiriau olwyn a seddi.
Mae Technovent yn wneuthurwr a chyflenwr deunyddiau prosthetig y genau a'r wyneb, gan gynnwys elastomerau silicon, adlynion a systemau cadw magnetig.
Mae Steddy Disability Aids yn fanwerthwr sy’n darparu amrywiaeth eang o gymhorthion anabledd a chynnyrch gofal i gwsmeriaid ledled de Cymru. Mae ganddyn nhw safleoedd ym Mhen-y-bont ar Ogwr a Chastell-nedd ac maen nhw’n cyflenwi cadeiriau olwyn, ategolion cadeiriau olwyn, teclynnau trefnu tabledi, offer therapi ymarfer corff a dillad orthopedig rhad.
Mae Roma Medical Aids yn wneuthurwr cynnyrch symudedd ac adsefydlu ym Mhen-y-bont ar Ogwr. Mae cynnyrch Roma Medical yn cynnwys cadeiriau olwyn, cymhorthion cerdded, cadeiriau trosglwyddo cleifion, a chymhorthion pediatrig.
Mae Reval yn wneuthurwr cynhyrchion hylendid, adsefydlu a lles ym Mhen-y-bont ar Ogwr. Mae cynnyrch Reval yn cynnwys systemau ymolchi a chawodydd gyda chymorth, pyllau adsefydlu mewn dŵr, ac offer trosglwyddo ar gyfer ysbytai, cartrefi nyrsio ac unigolion preifat.
Mae ReNeuron wedi datblygu llwyfan technoleg exosome sy’n cynnig mecanwaith cyflawni ar gyfer amrywiaeth o lwythi posibl a allai gynnwys siRNA, mRNA, proteinau, moleciwlau bach a genynnau i fath penodol o gell mewn meinwe benodol. Mae’r cwmni nawr yn chwilio am bartneriaethau gyda chwmnïau sy’n datblygu ymgeiswyr addawol am gyffuriau a allai elwa o ddefnyddio’r llwyfan hwn.
Mae Clintithink yn gwmni deallusrwydd artiffisial ym maes gofal iechyd, sydd wedi adeiladu’r deallusrwydd artiffisial CLiX i ddadansoddi nodiadau meddygol. Gellir defnyddio'r cymhwysiad hwn mewn sawl ffordd, gan gynnwys dadansoddi iechyd y boblogaeth, nodi clefydau prin, gwella cynhyrchiant clinigol a nodi cleifion ar gyfer treialon clinigol.
