Mae Forth wedi datblygu profion gwaed yn y cartref (gan gynnwys profion hormonau, maeth, ffrwythlondeb, chwaraeon ac iechyd cyffredinol) sydd wedyn yn cael eu hanfon i labordy’r GIG lle mae profion yn cael eu cwblhau. Bydd meddygon teulu Forth hefyd yn rhoi sylwadau ar y canlyniadau hyn.
Mae Eakin Surgical yn wneuthurwr offer llawfeddygol untro. Mae’r cynhyrchion yn cynnwys gefel, bachau, tiwbiau ac offer sugno.
Mae Diurnal yn gwmni fferyllol sy’n datblygu prosesau therapiwteg hormonau i gynorthwyo triniaeth ar gyfer cyflyrau endocrinaidd prin a chronig, gan gynnwys Gordyfiant Uwcharennol Cynhenid, Diffyg Uwcharennol, Hypogonadiaeth ac Hypothyroidedd.
Mae Digital Health Labs yn ymgynghoriaeth ymchwil sy'n arbenigo mewn ffarmacoepidemioleg, economeg iechyd ac ymchwil ar ganlyniadau.
Mae Denton Physio Technology yn ddarparwr gwasanaeth ffisiotherapi sy’n defnyddio synwyryddion symud 3D i ddarparu adsefydlu o bell ar gyfer cleifion ataliol, cyn ac ar ôl llawdriniaeth.
Mae Cutest Systems yn Sefydliad Ymchwil Glinigol dermatolegol. Mae Cutest yn arbenigo mewn cynhyrchu profion dermatolegol diogel ac effeithiol sydd wedi’u teilwra ar gyfer gofal clwyfau a dyfeisiau meddygol, gyda galluedd o ran dylunio protocolau a chynnal treialon clinigol. Mae Cutest hefyd yn cynnig profion goddefiad, profion perfformiad deunyddiau gofal clwyfau a gwasanaethau profi cynhyrchion fferyllol argroenol.
Mae Cupid Peptide Company yn gwmni biotechnoleg o Gaerdydd sy’n cynhyrchu peptidau cadwyn hir sy’n treiddio celloedd, ac mae modd eu harchebu at ddiben gwaith ymchwil biofeddygol.
Mae Creo Medical yn gwmni dyfeisiau meddygol sy’n datblygu cynnyrch ar gyfer triniaethau endosgopi therapiwtig mewn clefydau gastroenteroleg. Mae cynhyrchion yn cynnwys ategolion endotherapi a llwyfannau uwch ar gyfer triniaethau endosgopig cymhleth.
Mae Cotton Mouton Diagnostics yn gwmni profi endotocsinau sy’n cynnig gwasanaeth profi endotocsinau ar gyfer cynhyrchion fferyllol, yn ogystal ag offeryn y gellir ei brynu i gwmnïau ei ddefnyddio’n fewnol.
Mae Corryn Biotechnologies yn datblygu HEALS, dyfais llaw i gynhyrchu a gosod rhwymyn ffibrog yn uniongyrchol ar glwyfau yn y man lle rhoddir gofal.
