Mae PB Leiner yn cyflenwi amrywiaeth o beptidau colagen a gelatin i'r diwydiannau fferyllol, bwyd a gwyddorau bywyd. Mae gan y cwmni uned gynhyrchu yn Nhrefforest.
Cwmni darparu cyfarpar diwydiannol yw Porvair, sy’n cynnig gwasanaethau gweithgynhyrchu, dylunio, datblygu a chyflenwi cyfarpar hidlo a gwahanu arbenigol, ac ategolion cysylltiedig. Mae pencadlys Porvair yn King's Lynn, Norfolk. Mae'r is-gwmni Porvair Sciences yn gweithredu o Wrecsam, ac mae'n canolbwyntio ar ddatblygu deunyddiau plastig mân-dyllog a thechnolegau micro blât ar gyfer y diwydiannau biotechnoleg a gwyddorau bywyd.
Mae Biotage yn gwmni gwyddorau bywyd sy’n darparu cynnyrch a gwasanaethau i gwmnïau fferyllol a labordai. Mae’r cynnyrch a ddatblygwyd gan y cwmni yn cynnwys offer llif gwaith ar gyfer synthesis a phuro peptid. Mae pencadlys Biotage yn Sweden, ac mae pencadlys y cwmni yn y DU yn Hengoed.
Mae Purolite (sy’n eiddo i Ecolab, darparwr cynnyrch a gwasanaethau dŵr, hylendid ac atal heintiau) yn datblygu ac yn gweithgynhyrchu technoleg gwahanu, puro ac echdynnu sy’n seiliedig ar resin. Mae gan y dechnoleg hon sawl defnydd o fewn gofal iechyd a gwyddorau bywyd, gan gynnwys ar gyfer gweithgynhyrchu biotherapiwtig, diagnosteg a biocatalysis. Mae safle Purolite yn Llantrisant yn arbenigo mewn cynhyrchu cynhyrchion ar gyfer cymwysiadau gwyddor bywyd.
Mae Cytiva yn ddarparwr technolegau a gwasanaethau sy’n datblygu ac yn cyflymu’r gwaith o ddatblygu, cynhyrchu a darparu therapiwteg, gan gynnwys biotherapiwteg, therapïau celloedd a genynnau a therapiwteg mRNA. Arferai Cytiva fod yn rhan o GE Healthcare Life Sciences ac mae’n weithredol mewn 40 o wledydd. Mae cyfleuster gweithgynhyrchu Cytiva yng Nghaerdydd yn cynhyrchu technolegau biobrosesu untro a ddefnyddir i wneud brechlynnau a chynhyrchion biofferyllol.
Mae Polygenyn yn ddarparwr gwasanaeth profi DNA, sefydlogi protein a thechnoleg amaeth, ac mae hefyd yn cynnig cynhyrchion fel nwyddau traul a phecynnau diagnostig.
Mae GX yn ymgynghoriaeth dylunio cynnyrch sy’n cynnig gwasanaethau i’r sectorau meddygol a gwyddorau bywyd i ddatblygu cynnyrch fel dyfeisiau diagnostig ac offerynnau labordy.
Mae BBI Solutions yn cynhyrchu a datblygu adweithyddion imiwno-diagnostigau a phrofion llif unffordd ac mae hefyd yn cynnig gwasanaethau sy’n cynnwys cynhyrchu gwrthgyrff personol, gweithgynhyrchu gwrthgyrff personol, datblygu profion llif unffordd, cyfuno aur a chyfaddasiadau antigenau.
Mae Labco yn gweithgynhyrchu ffiolau gwydr wedi'u capio â sgriwiau sy'n cael eu defnyddio mewn protocolau profi labordy, gan gynnwys ar gyfer profi samplau o nwyon a hylifau ym maes gofal iechyd.
Mae ARGiP yn cynhyrchu cynnyrch sylfaenol a ddefnyddir at ddibenion bioddiogelwch a milfeddygol. Prif gynnyrch ARGiP yw Pepsin (ensym proteolytig a gynhyrchir gan ddefnyddio stumog mochyn) a lipidau bloneg y bol (lipidau wedi’u neilltuo o feinwe mochyn sy’n arddangos priodweddau therapiwtig), yn ogystal ag offer homogenaidd.
