Mae AMPED PCR yn darparu cynhyrchion PCR fel adweithyddion ar gyfer ymchwilwyr yn y meysydd Gwyddorau Bywyd a Marchnadoedd Cymhwysol.
Mae Agxio yn gwmni deallusrwydd artiffisial, gwyddor data a dysgu peirianyddol sy’n arbenigo yn y diwydiannau Biotechnoleg, gwyddorau bywyd a gwyddorau amaethyddol, gan gynnwys ar gyfer dadansoddi microbïom, dylunio cyffuriau parasitoleg a dadansoddi ymddygiad anifeiliaid.
Mae Laser Micromachining yn darparu gwasanaethau gweithgynhyrchu i amrywiaeth o ddiwydiannau, gan gynnwys y sector meddygol a gwyddorau bywyd. Mae technoleg y cwmni wedi cael ei defnyddio mewn dyfeisiau meddygol ac offer Biotechnoleg.
Mae Tarvin Precision yn gwmni Gweithgynhyrchu a Chydosod CNC Manwl, sydd wedi’i leoli ym Mhenarlâg, Sir y Fflint. Mae Tarvin yn datblygu cydrannau cymhleth sydd eu hangen i weithgynhyrchu dyfeisiau meddygol, yn ogystal â chynhyrchu cydrannau cymhleth sydd eu hangen mewn offerynnau gwyddonol.
Mae Menai Organics yn darparu cemegau organig coeth fel rhyngolynnau ar gyfer synthesis cyfochrog a synthesis cyfnod solet ar gyfer ymchwil a datblygu yn y sectorau agrocemegol, darganfod cyffuriau a biotechnoleg.
Mae Nu Instruments o Wrecsam yn ddylunydd ac yn wneuthurwr sbectromedrau mas perfformiad uchel, i'w defnyddio ym maes gwyddorau ffisegol a bywyd, gan gynnwys delweddu biofeddygol.
Mae Neogen yn ddarparwr datrysiadau diogelwch bwyd. Yn 2022, unodd y cwmni â 3M Food Safety, a oedd yn berchen ar safle datblygu a gweithgynhyrchu ym Mhen-y-bont ar Ogwr. Mae’r safle hon yn gweithgynhyrchu profion hylendid cyflym a chynnyrch sgrinio microbaidd i’w defnyddio gan gynhyrchwyr llaeth, bwyd a diod.
Mae Sefydliad Gwyddorau Bywyd Prifysgol Abertawe yn gartref i labordai ymchwil a chyfleusterau deori busnes ar gyfer sefydliadau masnachol.
Mae Partneriaeth Genomeg Cymru yn cefnogi’r gwaith o ddarparu meddygaeth fanwl yn GIG Cymru drwy dechnolegau genetig a genomig.
Mae Banc Datblygu Cymru yn fanc sy’n eiddo i Lywodraeth Cymru ac sy’n darparu cymorth ariannol i fusnesau Cymru, gan gynnwys benthyciadau busnes a buddsoddiad ecwiti. Rhoddwr benthyciadau unigryw yng Nghymru.
