Cwmni dyfeisiau meddygol sy’n datblygu amrywiaeth o gynhyrchion cyhyrysgerbydol, fel mewnblaniadau a thechnolegau llawfeddygol, yw Zimmer Biomet. Ym mis Mehefin 2023, cyhoeddodd Zimmer Biomet ei fod yn cau ei safle ym Mhen-y-bont ar Ogwr.
Mae ConvaTec yn gwmni technolegau meddygol sy'n canolbwyntio ar reoli cyflyrau cronig, gan gynnwys ymataliaeth a gofal critigol, gofal ostomi, dyfeisiau trwytho a gofal clwyfau uwch. Mae ei brif gynnyrch yn cynnwys gorchuddion clwyfau, cynnyrch gofal croen, setiau arllwysiad tafladwy, cathetrau wrolegol; a dyfeisiau ac ategolion ar gyfer pobl ag ostomi, ymataliaeth wrinol, anafiadau i linyn asgwrn y cefn, diabetes, wlserau, sglerosis ymledol, spina bifida ac anhwylderau eraill.
Yn 2023, prynodd ATL Technology weithrediadau gweithgynhyrchu Gyrus Medical yng Nghaerdydd oddi wrth Olympus Surgical Technologies Europe. Mae ATL yn ddarparwr gwasanaethau dylunio, datblygu a gweithgynhyrchu allanol i'r farchnad dyfeisiau meddygol.
Ymgynghoriaeth datblygu cynnyrch arbenigol yw Pureability, sy’n gweithio gyda gweithgynhyrchwyr a chyflenwyr gofal iechyd. Mae'r cwmni'n darparu cyngor ar ddatblygu cynnyrch, gan gynnwys ymchwil, prototeipio, gweithgynhyrchu, achredu, marchnata a logisteg.
Mae Mariposa Therapeutics yn gwmni deillio o Neem Biotech sy'n canolbwyntio ar ddatblygu therapïau ar gyfer clefydau sy'n gysylltiedig â ceratin. Yn dilyn astudiaethau cyn-glinigol, mae Mariposa yn datblygu rhaglen arweiniol i fynd i dreialon clinigol i drin Epidermolysis bullosa simplex.
Cwmni biotechnoleg yw Copner Biotech sy’n darparu cynhyrchion a gwasanaethau ym maes meithrin celloedd 3D. Mae proses ddylunio a gweithgynhyrchu Copner yn galluogi cynhyrchu sgaffaldau meithrin celloedd i gynrychioli amodau ffisiolegol yn y corff yn well, gan ddarparu manteision arbrofol ar gyfer ymchwil mewn meysydd sy'n astudio microamgylcheddau celloedd.
Mae Ultrasound Technologies yn darparu datrysiadau uwchsain Doppler ar gyfer ystod o ddefnyddiau clinigol. Mae cynnyrch y cwmni’n cynnwys profion Doppler ffetysol llaw, profion Doppler fasgwlaidd llaw a chyfuniad llaw, a phrofion Doppler bwrdd gwaith a llaw ar gyfer asesu’r ffetws a chynnal asesiadau fasgwlaidd.
Mae Rescue & Medical yn wneuthurwr dyfeisiau meddygol sy’n arbenigo mewn cyflenwadau meddygol brys, gan gynnwys pecynnau ocsigen, pecynnau ymatebwyr cyntaf, pecynnau a chludwelyau. Mae Rescue & Medical yn cyflenwi cynhyrchion meddygol i gwsmeriaid, gan gynnwys timau gofal critigol a’r Weinyddiaeth Amddiffyn
Mae ONYA Therapeutics yn gwmni biotechnoleg newydd ac yn gwmni deillio o Neem Biotech, sy'n canolbwyntio ar ddatblygu therapïau gwella clwyfau newydd drwy atal heintiau bacteriol. Mae gan ONYA dri chynnyrch ar y gweill sydd ar wahanol gamau o ddatblygiad cyn-glinigol.
Mae Polygenyn yn ddarparwr gwasanaeth profi DNA, sefydlogi protein a thechnoleg amaeth, ac mae hefyd yn cynnig cynhyrchion fel nwyddau traul a phecynnau diagnostig.
