Preifat

Mae eHealth Digital Media yn gwmni iechyd digidol sydd wedi’i leoli yn Abertawe. Mae’r cwmni wedi datblygu PocketMedic, cymhwysiad symudol sy’n cynnwys llyfrgell o ffilmiau i helpu cleifion i reoli eu cyflyrau iechyd. Mae ffilmiau ar gael ar gyfer ystod o afiechydon, gan gynnwys diabetes, lymffoedema, methiant y galon, clefyd rhwystrol cronig yr ysgyfaint, ymarfer corff gyda chlefyd yr ysgyfaint, poen cronig, gwella o ganser, lles, atal briwiau pwyso, a gofal diwedd oes.

Mae DTR Medical yn wneuthurwr dyfeisiau meddygol sy’n cynnig offer llawfeddygol untro. Mae'r cwmni'n cynnig cynnyrch ym meysydd gynaecoleg, niwrolawdriniaeth, offthalmeg, yr ên a’r wyneb, y glust, y trwyn a'r gwddf, llawfeddygaeth gyffredinol, ac orthopaedeg.

Mae CPR Global Tech yn gwmni digidol sydd wedi datblygu’r CPR Guardian, oriawr glyfar y gellir ei gwisgo sy’n gallu canfod a yw defnyddiwr wedi cwympo ac sy’n anfon SOS at ofalwyr neu aelodau o’r teulu.

Mae CanSense yn gwmni deillio o Brifysgol Abertawe sy'n datblygu prawf gwaed ar gyfer diagnosis anymwthiol o ganser y coluddyn gan ddefnyddio modelu sy'n seiliedig ar ddeallusrwydd artiffisial.

Mae Calon Cardio yn gwmni dyfeisiau meddygol sydd wedi’i leoli yn Abertawe. Mae’r cwmni wedi datblygu Calon MiniVAD, pwmp gwaed bach mewnblanadwy ar gyfer trin cleifion sydd â methiant cronig uwch yn y galon, sydd ar hyn o bryd yn destun profion clinigol angenrheidiol at ddiben cymeradwyaeth reoleiddiol.

Mae Blue Sky Laser Technologies yn gwmni o Abertawe sy’n arbenigo mewn cyflenwi technoleg laser. Mae Blue Sky yn cyflenwi peiriannau laser y gellir eu defnyddio’n glinigol i drin llid ar y croen.

Mae Biovici yn datblygu dyfeisiau diagnostig Pwynt Gofal. Mae'r cwmni hefyd yn gwerthu sglodion Graphene y gellir eu defnyddio i gynhyrchu biosynwyryddion amser real a synwyryddion cemegol.

Mae Arcadia Pharmaceuticals yn cynhyrchu ac yn cyflenwi meddyginiaethau didrwydded (Specials) i’r GIG, gan gynnwys Hylifau Geneuol, Paratoadau Argroenol, Hylifau Allanol a Chapsiwlau. Mae’r cwmni hefyd yn cyrchu ac yn caffael Special Obtains (eitem sy’n anodd dod o hyd iddi ac nad yw ar gael yn gyffredinol gan y prif gyfanwerthwyr).

Mae Morvus Technology Limited yn gwmni fferyllol preifat sy’n arbenigo mewn gwella cyffuriau presennol sydd heb batent neu sydd wedi cael eu hepgor yn flaenorol. Mae gan y cwmni dair llinell cynnyrch, y mae dau ohonynt wedi'u trwyddedu i gwmnïau eraill, gyda'r llall yn cael ei ddatblygu gan Gordian Pharma, cerbyd a sefydlwyd gan Morvus i ddatblygu MTL-004, cyffur moleciwl bach cytotocsig gyda'r potensial i helpu i reoli canser.

Mae CellPath yn cynhyrchu ac yn cyflenwi cynnyrch histoleg, patholeg a seitoleg, gan gynnwys offer a deunyddiau traul. Yn 2022, prynwyd CellPath gan StatLab Medical Products yn UDA.