Mae Agxio yn gwmni deallusrwydd artiffisial, gwyddor data a dysgu peirianyddol sy’n arbenigo yn y diwydiannau Biotechnoleg, gwyddorau bywyd a gwyddorau amaethyddol, gan gynnwys ar gyfer dadansoddi microbïom, dylunio cyffuriau parasitoleg a dadansoddi ymddygiad anifeiliaid.
Sefydliad Gweithgynhyrchu Datblygu Contractau yw SGS Quay Pharma sy’n darparu gwasanaethau i gwmnïau biotechnoleg a fferyllol, gan gynnwys datblygu fformiwleiddiad, gweithgynhyrchu clinigol a gwasanaethau dadansoddi. Mae gan y cwmni ddau safle yng Nglannau Dyfrdwy.
Mae Bee Robotics yn dylunio ac yn cynhyrchu offerynnau robotig ar gyfer awtomeiddio trin hylifau mewn labordai biotechnoleg. Gellir defnyddio offer y cwmni i awtomeiddio technegau labordy cyffredin, fel profion Western Blot ac echdynnu DNA, ac fe’u cymeradwyir i’w defnyddio mewn profion diagnostig clinigol.
Mae Menai Organics yn darparu cemegau organig coeth fel rhyngolynnau ar gyfer synthesis cyfochrog a synthesis cyfnod solet ar gyfer ymchwil a datblygu yn y sectorau agrocemegol, darganfod cyffuriau a biotechnoleg.
Mae Aber Instruments yn datblygu datrysiadau gweithgynhyrchu ar gyfer y diwydiannau bragu a biotechnoleg, gan gynnwys offer a synwyryddion mesur biomas. Mae’r cwmni’n cyflenwi rhai o gwmnïau fferyllol a bragu mwyaf y byd, gan gynnwys Glaxo Smithkline, Novartis, ABInBev, Heineken a SAB miller. Mae pencadlys y cwmni yn Aberystwyth.
Mae Ig Innovations yn is-gwmni i Abbott Toxicology, sydd ei hun yn is-gwmni i Abbott, cwmni dyfeisiau meddygol a gofal iechyd rhyngwladol. Mae Ig Innovation yn cynhyrchu gwrthgyrff polyclonal ar gyfer y sectorau ymchwil, diagnostig, biotechnoleg a fferyllol.
