Bydd Rhaglen Cymru Gyfan - Llawdriniaeth â Chymorth Roboteg yn darparu llawdriniaeth robotig sy'n creu archoll mor fach â phosib i filoedd o gleifion canser ledled y wlad. Mae hyn yn golygu defnyddio breichiau robotig datblygedig iawn sy’n dal offer llawfeddygol, dan reolaeth llawfeddyg, i drin canserau colorectal, gastroberfeddol uchaf, wrolegol a gynaecolegol.
Mae’r rhaglen wedi cael ei datblygu mewn partneriaeth â byrddau iechyd ledled Cymru, y Moondance Cancer Initiative a Hwb Gwyddorau Bywyd Cymru. Mae Llywodraeth Cymru yn cydariannu’r rhaglen gyda £4.2 miliwn dros dair blynedd, ochr yn ochr â £13.35 miliwn a ddarperir gan y byrddau iechyd dros y 10 mlynedd nesaf.
Mae’r cwmni roboteg lawfeddygol, CMR Surgical, yn gweithio mewn partneriaeth â GIG Cymru i roi System Roboteg Lawfeddygol Versius ar waith mewn theatrau llawfeddygol ledled Cymru. Bydd CMR hefyd yn cefnogi ymchwil i fabwysiadu gweithdrefnau gyda chymorth roboteg ac yn darparu mynediad i’w gofrestrfa glinigol fyd-eang er mwyn deall datblygiad canlyniadau cleifion a gwella diogelwch cleifion.
I gael gwybod mwy am y rhaglen, cysylltwch â hello@lshubwales.com.
- Betsi Cadwaladr University Health Board
- Cardiff and Vale University Health Board
- Cwm Taf Morgannwg University Health Board
- Hwb Gwyddorau Bywyd Cymru
- Moondance Cancer Initiative
- CMR Surgical
- Llywodraeth Cymru
- GIG Cymru
Lansio’r cydweithio â CMR
Cyhoeddwyd CMR fel partner ar gyfer Rhaglen Genedlaethol Cymru Gyfan - Llawdriniaeth â Chymorth Roboteg sy’n rhoi System Robotig Lawfeddygol Versius ar waith
Y cleifion cyntaf yn derbyn llawdriniaeth â chymorth robot yng Nghymru fel rhan o'r rhaglen genedlaethol arloesol
Mae robotiaid llawfeddygol o'r radd flaenaf bellach yn helpu i drin cleifion â chanser y colon a'r rhefr a chanser gynaecolegol yng Nghymru fel rhan o Raglen Genedlaethol newydd yn ymwneud â Llawdriniaeth â Chymorth Robot.
Carreg filltir o ran triniaeth i gleifion
Mae Bwrdd Iechyd Prifysgol Caerdydd a’r Fro wedi cwblhau ei wythnos gyntaf o ddefnyddio llawdriniaethau robotig i drin cleifion canser gynaecolegol.
Cwblhau’r hysterectomi robotig cyntaf yng Nghymru
Mae’r hysterectomi robotig cyntaf yng Nghymru gan ddefnyddio robot Versius wedi digwydd ym Mwrdd Iechyd Prifysgol Betsi Cadwaladr.
Ystadegau rhaglen hyd yn hyn
- Achosion robotig wedi'u cwblhau: 39
- Timau robotig gweithredol: 3
- Staff wedi'u hyfforddi: 34
Ystadegau rhaglen hyd yn hyn
- Achosion robotig wedi'u cwblhau: 65
- Timau robotig gweithredol: 3
- Staff wedi'u hyfforddi: 38
Ystadegau rhaglen hyd yn hyn
- 100 o achosion
- 8 tîm Llawfeddygol
- 55 staff wedi'u hyfforddi
- 140 awr o Lawdriniaeth â Chymorth Roboteg
Tynnu sylw at y prosiect yn Confed Expo y GIG
Cynhaliodd Cari-Anne Quinn, ein Prif Swyddog Gweithredol, drafodaeth banel ynglŷn â datblygiad y rhaglen hyd yma. Darllenwch gofnod o’r digwyddiad ar ein tudalen newyddion.
Astudiaeth achos newydd sy’n dangos effaith y rhaglen
Yn tynnu sylw at sut mae’r rhaglen wedi bod o fudd i gleifion, staff a Chymru. Darllenwch yr erthygl yn llawn.
Bwrdd Iechyd Prifysgol Cwm Taf Morgannwg yn ymuno â’r rhaglen
Y Bwrdd Iechyd yw’r trydydd i ymuno gan ehangu cylch gwaith y rhaglen ar raddfa genedlaethol. Dysgwch fwy am y datblygiad cyffrous hwn.
Mae’r rhaglen yn cael ei chynnwys yn atodiad ‘Future of Healthcare’ The Guardian
Ysgrifennodd ein Prif Swyddog Gweithredol erthygl yn rhifyn print The Guardian yn archwilio effaith y rhaglen, sut mae partneriaid ar draws y sector wedi dod at ei gilydd i'w chyflawni, a chamau cyffrous ar gyfer y dyfodol. Gallwch ddarllen yr erthygl ar-lein hefyd.
Mae cyfoeth o fanteision enfawr i gleifion, staff clinigol a Chymru gyfan.
Mae’r systemau llawfeddygol yn fwy manwl ac yn creu clwyfau toriad llai. Mae hyn yn golygu bod cleifion yn treulio llai o amser yn yr ysbyty ac yn gwella’n gyflymach o lawer. Ar ben hynny, mae’r lefel uchel o gywirdeb yn lleihau’r risg o niweidio nerfau ac organau eraill.
Gall y llawfeddygon sy’n defnyddio’r system eistedd neu sefyll mewn safle cyfforddus yn ystod y llawdriniaeth i helpu i leihau straen a blinder – sy’n cyfyngu ar effaith gorfforol cynnal llawdriniaethau ac, o bosibl, yn eu galluogi i aros yn hirach yn y swydd. Mae hefyd yn haws dysgu sut i gynnal llawdriniaeth â chymorth robot, wrth gymharu â dulliau laparosgopig traddodiadol.
Mae’r rhaglen hefyd yn helpu i greu system gofal iechyd fwy cynaliadwy drwy gadw triniaeth yn nes at adref. Pan fydd y rhaglen ar waith yn llawn, fydd dim rhaid i gleifion yng Ngogledd Cymru deithio i Loegr i gael llawdriniaeth gyda chymorth robot.
Mae hwyluso’r broses o fabwysiadu llawdriniaethau gyda chymorth robot yng Nghymru hefyd yn dechrau dod â chyfleoedd hyfforddi a recriwtio gwerthfawr yma, gan fod croeso i staff arbenigol ddod yma i ddysgu ac ymarfer.
Mae Bwrdd Iechyd Prifysgol Betsi Cadwaladr, Bwrdd Iechyd Prifysgol Caerdydd a’r Fro, a Bwrdd Iechyd Prifysgol Cwm Taf Morgannwg wedi gosod System Robotig Lawfeddygol Versius. Disgwylir y bydd 1,300 o gleifion yn elwa o’r rhaglen unwaith y bydd ar waith yn llawn.
Bwrdd Iechyd Prifysgol Cwm Taf Morgannwg yn ymuno â’r rhaglen
Y Bwrdd Iechyd yw’r trydydd i ymuno gan ehangu cylch gwaith y rhaglen ar raddfa genedlaethol. Dysgwch fwy am y datblygiad cyffrous hwn.