Mae Forth wedi datblygu profion gwaed yn y cartref (gan gynnwys profion hormonau, maeth, ffrwythlondeb, chwaraeon ac iechyd cyffredinol) sydd wedyn yn cael eu hanfon i labordy’r GIG lle mae profion yn cael eu cwblhau. Bydd meddygon teulu Forth hefyd yn rhoi sylwadau ar y canlyniadau hyn.
Mae Waterless yn datblygu cynnyrch hylendid a datrysiadau gwrthficrobaidd, gan gynnwys siampŵ, hylif golchi’r corff, hylif diheintio dwylo rhydd o alcohol, weips a chwistrellau arwyneb. Mae Waterless yn cyflenwi’r GIG a’r Diwydiant Gofal, yn ogystal â Busnesau Masnachol, cwmnïau Rheoli Cyfleusterau, a'r Sectorau Porthorol, Fferyllol a Manwerthu.
Mae Springdew yn gwmni pecynnu o Abertawe, sy’n gwasanaethu marchnadoedd fferyllol, gofal iechyd, milfeddygol a dyfeisiau meddygol yn bennaf. Mae gan Springdew drwydded MHRA ar gyfer pecynnu eilaidd a chydosod meddyginiaethau dynol a milfeddygol.
Mae Imersifi yn gwmni rhithwir sy'n creu cymwysiadau realiti rhithwir o'r radd flaenaf sy'n caniatáu efelychu amgylcheddau neu sefyllfaoedd diffiniedig. Mae Imersifi wedi datblygu rhaglenni y gellir eu defnyddio i hyfforddi gweithwyr gofal iechyd proffesiynol mewn triniaethau fel broncosgopi neu traceostomi.
Mae ProMove wedi datblygu’r ProMove Sling, dyfais sy’n caniatáu i bobl mewn cadair olwyn gael eu codi a’u symud i safle arall. Mae gan y sling gymwysiadau posibl yng nghartrefi pobl anabl, gofal cymdeithasol, ac yn y gwasanaethau brys.
Mae Labco yn gweithgynhyrchu ffiolau gwydr wedi'u capio â sgriwiau sy'n cael eu defnyddio mewn protocolau profi labordy, gan gynnwys ar gyfer profi samplau o nwyon a hylifau ym maes gofal iechyd.
Mae Holtain yn cyflenwi offerynnau anthropometrig.
Mae Niagara Healthcare yn cyflenwi cynnyrch gofal iechyd arbenigol i'r GIG, yn ogystal â gweithgynhyrchu a gwerthu dodrefn symudedd domestig i ddefnyddwyr a gweithgynhyrchwyr cynnyrch gofal iechyd ar gyfer cymwysiadau chwaraeon a milfeddygol.
Mae Cefndy yn cynhyrchu a chyflenwi cymhorthion ar gyfer pobl anabl, gan gynnwys canllawiau cydio, cadeiriau olwyn, cadeiriau a stolion cawodydd, slingiau, a chynnyrch gofal dementia.
Mae Venalink yn ddarparwr System Dogni wedi’i Monitro (MDS) i fferyllfeydd cymunedol. Mae Venalink wedi'i leoli yng Nglannau Dyfrdwy.
