Breast Cancer Now yw elusen canser y fron
fwyaf y DU sy'n ymroddedig i ariannu ymchwil i'r clefyd dinistriol hwn. Mae'r elusen yn dod â phawb sy'n cael eu heffeithio gan y clefyd at ei gilydd i wella'r gwaith o atal, canfod, trin a dileu canser y fron.
Mae Prostate Cancer UK yn brwydro i helpu mwy o ddynion i oroesi canser y prostad a mwynhau ansawdd bywyd gwell. Mae'r sefydliad yn cefnogi dynion sy'n byw gyda chanser y prostad, afiechydon y prostad, ac effeithiau triniaeth. Ceir atebion drwy ariannu ymchwil, ac mae newid yn cael ei arwain drwy ymgyrchu a chydweithio. Fel prif elusen y wlad ar gyfer dynion â chanser y prostad a phroblemau’r brostad, mae Prostate Cancer UK yn chwarae rhan ganolog mewn eiriolaeth a chefnogaeth.
Alzheimer’s Research UK yw elusen ymchwil
dementia blaenllaw y DU gyda chred gadarn yng ngrym ymchwil i drechu dementia. Mae'r elusen yn ariannu astudiaethau arloesol sydd â'r nod o wneud gwahaniaeth ym mywydau pobl ac mae wedi ymrwymo i gynyddu arian ar gyfer y datblygiad nesaf.
Y BHF yw cyllidwr annibynnol mwyaf y
DU ar gyfer ymchwil cardiofasgwlaidd. Ers dros 60 mlynedd, mae'r BHF wedi arloesi mewn ymchwil achub bywydau sydd wedi helpu i haneru nifer y marwolaethau o glefyd y galon a chylchrediad y gwaed yn y DU. Mae'r BHF hefyd yn helpu i roi cymorth a gwybodaeth hanfodol i'r 7.4m o bobl sy'n byw yn y DU gyda chlefyd y galon a chylchrediad y gwaed.
Mae staff a gwirfoddolwyr Cymdeithas
Alzheimer yn darparu gwasanaethau i bobl sy'n cael eu heffeithio gan ddementia, gan gynnwys gofal dydd a gofal cartref, gwasanaethau cymorth a gwasanaethau cyfeillio ledled Cymru, Lloegr, Guernsey, Ynys Manaw a Gogledd Iwerddon. Mae’r elusen yn darparu gwybodaeth a hyfforddiant, ac ymchwil, tra’n ymgyrchu dros hawliau pobl â dementia a’r rhai sy’n gofalu amdanyn nhw.
Mae Ymchwil Canser y DU yn ymroddedig i achub bywydau drwy ymchwil. Eu cenhadaeth yw atal, rheoli a gwella canser drwy ein hymchwil arloesol, ac yn ystod y 40 mlynedd ddiwethaf, mae ein gwaith wedi helpu i ddyblu cyfraddau goroesi. Ond mae mwy o waith i'w wneud. CRUK yw'r unig elusen sy'n ymladd dros 200 math o ganser.
Mae Cerebra yn ariannu ymchwil, yn rhannu
gwybodaeth, yn cefnogi rhieni a gofalwyr ac yn cynnig cymorth ariannol uniongyrchol yn bennaf i blant a phobl ifanc sydd ag anafiadau i’r ymennydd.
Mae Ymchwil Canser y Gogledd Orllewin yn ariannu ymchwil canser yng Ngogledd Orllewin Lloegr a Gogledd Cymru. Caiff yr ymchwil ei wneud yn bennaf mewn tair
canolfan ragoriaeth ym Mhrifysgol Lerpwl, Prifysgol Caerhirfryn a Phrifysgol Cymru ym Mangor.
Nod Ymchwil Canser Cymru yw lleddfu salwch a hybu iechyd da drwy ddatblygu gwybodaeth a dealltwriaeth o ganser a’i dechnegau trin ac atal posib, gan ddarparu a chefnogi cyfleusterau ar gyfer ymchwil canser o ansawdd uchel yng Nghymru.
Mae’r Cynllun Sbarduno Amddiffyn a Diogelwch yn gyllidwr arloesedd gan lywodraeth y DU ar gyfer Amddiffyn a Diogelwch. Ein nod yw canfod ac ariannu arloesedd y gellir manteisio arno er mwyn sicrhau dyfodol mwy diogel. Mae gennym amrywiaeth o gyllid i gyflymu syniadau o unrhyw sector er budd Amddiffyn a Diogelwch. Rydyn ni eisiau syniadau gan amrywiaeth eang o arloeswyr ac mae gennym dîm o bartneriaid arloesi, o bob cwr o’r DU, sydd yma i helpu i arwain y rheini sydd â diddordeb yn y cyllid sydd ar gael.
