Cynhyrchion Fferyllol

Mae Thermo Fisher yn ddarparwr mawr o offer meddygol, offerynnau dadansoddol, adweithyddion a nwyddau traul, meddalwedd a gwasanaethau i'r diwydiant gwyddorau bywyd. Yn 2011, prynodd y cwmni Sterilin, darparwr nwyddau traul labordy, fel dysglau petri, pibedau a photeli casglu samplau, sydd wedi’i leoli yn ne Cymru. Yn ogystal, mae Thermo Fisher yn berchen ar Synexus, sefydliad sy'n cynnal treialon clinigol ar gyfer cwmnïau fferyllol a Biotechnoleg. Mae gan Synexus glinig yng Nghaerdydd.

Mae ESI Technologies yn gyflenwr Datrysiadau Peirianneg a Chyfarpar Prosesu ar gyfer y diwydiannau Biotechnoleg, Cynnyrch Fferyllol, Cemegol, Lled-ddargludyddion, Bwyd a Diod. O fewn y diwydiannau biotechnoleg a fferyllol, mae’r cwmni’n darparu cyfarpar prosesu nodweddiadol fel offer, falfiau a dyfeisiau hidlo, yn ogystal â chyfarpar untro fel cynwysyddion a phympiau biobroses. Mae gan ESI safle yn Nhorfaen.

Mae Biotage yn gwmni gwyddorau bywyd sy’n darparu cynnyrch a gwasanaethau i gwmnïau fferyllol a labordai. Mae’r cynnyrch a ddatblygwyd gan y cwmni yn cynnwys offer llif gwaith ar gyfer synthesis a phuro peptid. Mae pencadlys Biotage yn Sweden, ac mae pencadlys y cwmni yn y DU yn Hengoed.

Mae Sterling Pharma Solutions yn gwmni datblygu contractau a gweithgynhyrchu sy'n canolbwyntio ar ddarparu gwasanaethau moleciwlau bach a Gwrthgyrff Cyffuriau Cyfosod sy’n amrywio o ddatblygiad cyn-glinigol i weithgynhyrchu masnachol llawn. Mae'r cwmni hefyd yn darparu gwasanaethau cemeg cam cynnar ar gyfer darganfod cyffuriau. Mae cyfleuster Sterling yng Nglannau Dyfrdwy yn darparu gwasanaethau ymchwil a datblygu ADC cyn-glinigol y cwmni.

Sefydliad ymchwil contract yw ICON sy’n darparu gwasanaethau datblygu allanol i’r diwydiannau biotechnoleg, fferylliaeth a dyfeisiau meddygol ledled y byd. Mae’n darparu gwasanaethau arbenigol sy’n rhychwantu cylch bywyd datblygu cynnyrch ar draws ystod o feysydd therapiwtig. Mae gan ICON safle yn Abertawe sy’n darparu gwasanaethau ymchwil clinigol, gan gynnwys gwyliadwriaeth ffarmacolegol.

Mae Norgine yn datblygu, yn gweithgynhyrchu ac yn masnacheiddio dyfeisiau meddygol a chynnyrch fferyllol arbenigol. Mae portffolio cynnyrch y cwmni yn cynnwys dyfeisiau a chyffuriau wedi'u brandio ym meysydd gastroenteroleg, hepatoleg, a chanser a gofal cefnogol. Mae pencadlys Norgine yn yr Iseldiroedd. Mae Norgine UK wedi’i leoli yn Nhir-y-berth.

Mae Pharmaron yn ddarparwr gwasanaethau ymchwil a datblygu ar gyfer y diwydiant gwyddorau bywyd. Mae Pharmaron yn darparu amrywiaeth o wasanaethau ar draws ymchwil, datblygu a gweithgynhyrchu, gan gynnwys ym maes darganfod cyffuriau, datblygiadau cyn-glinigol a chlinigol mewn nifer o ddulliau therapiwtig. Mae gan Pharmaron gyfleuster radiolabelu yng Nghaerdydd sy’n paratoi ac yn rhyddhau cyfansoddion profi wedi’u radiolabelu i’w defnyddio mewn astudiaethau anghlinigol, datblygu cyffuriau clinigol ac astudiaethau tynged amgylcheddol.

Mae PCI Pharma Services yn ddarparwr gwasanaethau fferyllol sy’n cynnig datrysiadau profion clinigol, datblygu cyffuriau, gweithgynhyrchu, cyflenwi a phecynnu. Mae’r cwmni yn gweithredu yn y DU ac yn Japan. Mae gan y cwmni ddau safle yng Nghymru – safle gweithgynhyrchu a datblygu yn Nhredegar sy’n cyflogi tua 440 o bobl, a safle pecynnu ym Mhen-y-bont ar Ogwr.

Mae Ipsen yn gwmni biofferyllol sy’n datblygu ac yn masnacheiddio cynhyrchion fferyllol ym meysydd Oncoleg, Clefyd Prin a Niwrowyddoniaeth. Lleolir pencadlys datblygu a gweithgynhyrchu Ipsen yn Wrecsam, ac mae’n gyfrifol am ddatblygu a gweithgynhyrchu cynnyrch niwrotocsin.

Mae Mariposa Therapeutics yn gwmni deillio o Neem Biotech sy'n canolbwyntio ar ddatblygu therapïau ar gyfer clefydau sy'n gysylltiedig â ceratin. Yn dilyn astudiaethau cyn-glinigol, mae Mariposa yn datblygu rhaglen arweiniol i fynd i dreialon clinigol i drin Epidermolysis bullosa simplex.