Hardshell UK
Gwneuthurwr a chyflenwr offer amddiffyn a meddygol yw Hardshell. Mae’r cwmni’n darparu cyfarpar diogelu personol (PPE) fel mygydau a menig, ac mae hefyd yn darparu gwasanaethau cynllunio mynediad i’r farchnad i gwmnïau fferyllol.
Gwneuthurwr a chyflenwr offer amddiffyn a meddygol yw Hardshell. Mae’r cwmni’n darparu cyfarpar diogelu personol (PPE) fel mygydau a menig, ac mae hefyd yn darparu gwasanaethau cynllunio mynediad i’r farchnad i gwmnïau fferyllol.
Mae Diurnal yn gwmni fferyllol sy’n datblygu prosesau therapiwteg hormonau i gynorthwyo triniaeth ar gyfer cyflyrau endocrinaidd prin a chronig, gan gynnwys Gordyfiant Uwcharennol Cynhenid, Diffyg Uwcharennol, Hypogonadiaeth ac Hypothyroidedd.
Mae Digital Health Labs yn ymgynghoriaeth ymchwil sy'n arbenigo mewn ffarmacoepidemioleg, economeg iechyd ac ymchwil ar ganlyniadau.
Mae Cotton Mouton Diagnostics yn gwmni profi endotocsinau sy’n cynnig gwasanaeth profi endotocsinau ar gyfer cynhyrchion fferyllol, yn ogystal ag offeryn y gellir ei brynu i gwmnïau ei ddefnyddio’n fewnol.
Mae Molecular Devices yn darparu offer labordy ar gyfer ymchwil gwyddor bywyd, a brynodd y cwmni o Gymru, Cellesce. Mae Cellesce wedi dyfeisio a rhoi patent ar fiobroses unigryw ar gyfer ehangu organoidau canser, normal a dynol ar gyfer llu o gymwysiadau, gan gynnwys darganfod cyffuriau a sgrinio cyffuriau.
Mae CatSci yn cynnig gwasanaethau cemegol, gweithgynhyrchu a rheoli (CMC) i gwmnïau fferyllol. Mae'r gwasanaethau'n cynnwys datblygu cyffuriau moleciwlau bach yn gynnar ac yn hwyr, yn ogystal ag ymchwil, datblygu a gweithgynhyrchu oligonicleotidau a therapiwteg sy'n seiliedig ar RNA.
Mae Cardiff Scintigraphics yn ddarparwr gwasanaethau scintigraffeg gama i gwmnïau dyfeisiau fferyllol a meddygol, a ddefnyddir yn y gwerthusiadau clinigol o fformwleiddiadau a dyfeisiau fferyllol. Mae'r gwasanaethau a gynigir gan Cardiff Scintigraphics yn cynnwys dylunio, perfformio a dadansoddi astudiaethau scintigraffeg.
Mae Antiverse yn egin gwmni darganfod cyffuriau sy’n defnyddio deallusrwydd artiffisial i ddylunio gwrthgyrff yn erbyn targedau heriol fel GPCRs a sianeli ïon.
Mae 3D Pharma Consulting yn cefnogi cwmnïau deillio, egin fusnesau a chwmnïau gwyddorau bywyd bach gyda’u prosesau datblygu cyffuriau, gan gynnwys helpu gyda systemau cyflenwi cyffuriau, llunio, datblygu prosesau, rheoli rhaglenni clinigol a chymorth IP.
Mae British Rototherm yn wneuthurwyr byd-eang o ddatrysiadau mesur tymheredd, gwasgedd, crynodiad hylif, lefel anymwthiol, carbon deuocsid toddedig a llif. Mae British Rototherm yn cyflenwi synwyryddion tymheredd a thechnoleg mesur prosesau i'r diwydiant fferyllol.