Mae 3D Pharma Consulting yn cefnogi cwmnïau deillio, egin fusnesau a chwmnïau gwyddorau bywyd bach gyda’u prosesau datblygu cyffuriau, gan gynnwys helpu gyda systemau cyflenwi cyffuriau, llunio, datblygu prosesau, rheoli rhaglenni clinigol a chymorth IP.
Mae British Rototherm yn wneuthurwyr byd-eang o ddatrysiadau mesur tymheredd, gwasgedd, crynodiad hylif, lefel anymwthiol, carbon deuocsid toddedig a llif. Mae British Rototherm yn cyflenwi synwyryddion tymheredd a thechnoleg mesur prosesau i'r diwydiant fferyllol.
Mae Springdew yn gwmni pecynnu o Abertawe, sy’n gwasanaethu marchnadoedd fferyllol, gofal iechyd, milfeddygol a dyfeisiau meddygol yn bennaf. Mae gan Springdew drwydded MHRA ar gyfer pecynnu eilaidd a chydosod meddyginiaethau dynol a milfeddygol.
Mae Moleculomics yn gwmni deillio o Brifysgol Abertawe sy’n arbenigo mewn datblygu offer bioimiwneiddio yn y sectorau fferyllol a biotechnoleg. Mae'r gwasanaethau a'r platfformau a gynigir gan Moleculomics yn helpu ym maes canfod cynnar, tocsicoleg ac astudiaethau ail-bwrpasu cyffuriau.
Mae Industry Online yn gwmni meddalwedd sy’n datblygu llwyfannau ar-lein ar gyfer cydweithio a thrafodion cadwyn gyflenwi ar gyfer diwydiant. Prif gynnyrch Industry Online yw IOPharma, platfform rhyngrwyd sy’n darparu trafodion a chyfnewidiadau sy’n cydymffurfio rhwng prynwyr a chyflenwyr cynhyrchion fferyllol.
Mae Arcadia Pharmaceuticals yn cynhyrchu ac yn cyflenwi meddyginiaethau didrwydded (Specials) i’r GIG, gan gynnwys Hylifau Geneuol, Paratoadau Argroenol, Hylifau Allanol a Chapsiwlau. Mae’r cwmni hefyd yn cyrchu ac yn caffael Special Obtains (eitem sy’n anodd dod o hyd iddi ac nad yw ar gael yn gyffredinol gan y prif gyfanwerthwyr).
Mae Morvus Technology Limited yn gwmni fferyllol preifat sy’n arbenigo mewn gwella cyffuriau presennol sydd heb batent neu sydd wedi cael eu hepgor yn flaenorol. Mae gan y cwmni dair llinell cynnyrch, y mae dau ohonynt wedi'u trwyddedu i gwmnïau eraill, gyda'r llall yn cael ei ddatblygu gan Gordian Pharma, cerbyd a sefydlwyd gan Morvus i ddatblygu MTL-004, cyffur moleciwl bach cytotocsig gyda'r potensial i helpu i reoli canser.
Cwmni biofferyllol sydd wedi’i leoli yn Aberystwyth, ac sy’n arbenigo mewn ymchwilio i iminosiwgrau planhigion, yw PhytoQuest. Mae’n bosibl y bydd iminosiwgrau yn cael eu defnyddio mewn bwyd, cynhyrchion fferyllol a cholur. Mae PhytoQuest hefyd yn cynnig gwasanaethau i ddiwydiant ac i'r byd academaidd, gan gynnwys dadansoddi cyseiniant magnetig niwclear.
Mae MicroPharm yn ddatblygwr a chynhyrchydd cynnyrch therapiwteg polyclonaidd ar gyfer defaid, ac mae'n targedu clefydau heintus ac achosion gwenwynig aciwt yn bennaf. Mae holl gynhyrchion imiwnotherapiwtig MicroPharm wedi’u cynllunio i drin achosion argyfwng acíwt sy’n peryglu bywyd. Maen nhw wedi cael eu datblygu ar gais y proffesiwn meddygol ac mae eu hangen ar frys naill ai oherwydd nad oes dewis arall ar gael neu oherwydd bod unrhyw ddewis arall yn aneffeithiol a/neu’n anniogel.
Mae PharmaPack yn gwmni pecynnu fferyllol sydd wedi’i leoli yng Nghonwy. Mae PharmaPack wedi’i gymeradwyo gan MHRA ac mae’n cynnig gwasanaethau i gwmnïau fferyllol, cosmetig a maeth, gan gynnwys llenwi hylif, hufen, sachet a photeli, labelu, bargodio, tynlapio, warysau a storio, a dylunio pecynnau.
