Mae FRIO wedi datblygu waledi meddyginiaeth patentedig a waledi oeri inswlin. Gan ddefnyddio crisialau a ddatblygwyd yn arbennig sy'n trawsnewid yn jel oer pan gaiff ei actifadu gan ddŵr, mae modd defnyddio prosesau anweddu i ailwefru waledi FRIO yn llawn ac atal yr inswlin, a sawl meddyginiaeth arall sy'n sensitif i dymheredd, rhag dirywio.
Mae Celtic SMR yn darparu datrysiadau diagnostig a therapiwtig i’r diwydiannau gofal iechyd a milfeddygol. Mae’r cynnyrch yn cynnwys offer pelydr X, systemau pelydr-x cludadwy a sefydlog, systemau uwchsain diagnostig a magnetotherapi.
Mae Benson Viscometers yn gwmni dyfeisiau meddygol sy’n arbenigo mewn dylunio, datblygu a gweithgynhyrchu fisgomedrau clinigol a chyfarpar mesur gwaed o ansawdd uchel i'w defnyddio mewn labordai patholeg. Mae BV1 a BV200 Benson Viscometers yn mesur gludedd hylifau biolegol dynol, gan gynnwys plasma gwaed, serwm gwaed, gwaed cyfan a hylif synofaidd, i helpu i wneud diagnosis o glefydau, gan gynnwys anhwylderau cronig, myeloma neu facroglobwlinaemia Waldenstrom.
Mae Magstim yn datblygu ac yn gweithgynhyrchu cynnyrch niwroysgogi uwch ar gyfer trin anhwylderau nerfol ac anhwylderau’r ymennydd, e.e. anhwylder iselder difrifol (MDD). Mae portffolio cynnyrch y cwmni yn cynnwys cynhyrchion niwromodwleiddio, gan gynnwys ysgogyddion magnetig trawsgreuanol (TMS), coiliau ysgogi magnetig, ac ategolion fel cap cleifion.
Biopharm Leeches sy’n cynhyrchu’r rhan fwyaf o’r gelod a ddefnyddir mewn meddygaeth fodern ledled y byd. Mae'r gelod yn cael eu defnyddio mewn llawfeddygaeth blastig ac adluniol ledled y byd, yn ogystal â mewn ymchwil barhaus i leddfu symptomau osteoarthritis.
Mae Oral Care Innovations yn wneuthurwr offer deintyddol sydd wedi’i leoli yn Abergele, Sir Ddinbych. Mae cynnyrch Oral Care Innovations yn cynnwys glanhawr ceg, crafwr tafod, teclyn gostwng y tafod a theclyn hydradu gwefusau. Mae cynnyrch eraill yn cynnwys past dannedd, brwshys dannedd, fflos dannedd a brwshys glanhau rhwng y dannedd.
Mae Melyd Surgical yn gyflenwr offer theatr llawfeddygol. Mae cynnyrch Melyd Surgical yn cynnwys byrddau llawfeddygol, gwartholion lithotomi ac ategolion llawfeddygol eraill.
Mae Medipure yn gwmni biotechnoleg sy’n cynnig gwasanaethau a chynnyrch i sefydliadau cyhoeddus a phreifat sy’n ymwneud â Rheoli ac Atal Heintiau. Mae cynnyrch Medipure yn cynnwys diheintyddion a gwrth-heintwyr, weips, cabinet diheintio meddygol cludadwy ar gyfer offer meddygol, system monitro aer, a golchwr endosgop ymlaen llaw. Mae’r cwmni hefyd yn cynnig gwasanaethau profi dŵr, aer a microbioleg.
Mae MC Diagnostics yn gwmni diagnosteg moleciwlau sydd wedi datblygu a gweithgynhyrchu llwyfan arae dwysedd isel awtomataidd (ALDAS) sydd, ar hyn o bryd, yn darparu profion diagnostig clinigol wedi’u profi ym meysydd diagnosteg grwpiau gwaed a pharu HLA. Yn ogystal, datblygodd y cwmni brawf PCR i ganfod COVID-19, ac mae’n cynnig gwasanaethau dylunio a gweithgynhyrchu ar gyfer cynhyrchion diagnostig.
Mae Laser Micromachining yn darparu gwasanaethau gweithgynhyrchu i amrywiaeth o ddiwydiannau, gan gynnwys y sector meddygol a gwyddorau bywyd. Mae technoleg y cwmni wedi cael ei defnyddio mewn dyfeisiau meddygol ac offer Biotechnoleg.
