Peter Max

Peter yw cadeirydd y Pwyllgor Archwilio a Sicrhau Risg, ac ar ran y Bwrdd mae’n cefnogi Hwb Gwyddorau Bywyd Cymru gyda dwy thema graidd – sef gofal yn nes at y cartref a chyllid a risg.

Cyfrifydd Siartredig oedd Peter yn wreiddiol ac roedd ei waith yn canolbwyntio ar wasanaethau cyhoeddus ac elusennau. Aeth yn ei flaen i weithio ym maes cyllid corfforaethol ac mewn swyddi ecwiti preifat am bedair blynedd. O ganlyniad, mae ei yrfa weithredol wedi canolbwyntio ar iechyd a gofal cymdeithasol.

Cydsefydlodd fusnes newydd, a daeth yn unigolyn cyfrifol dros y busnes hwnnw a oedd yn rhoi cymorth i unigolion â diagnosis o iechyd meddwl. Erbyn hyn, mae’n Gyfarwyddwr Partnerships for Progress, gyda chanolfan breswyl i deuluoedd ym Mhen-y-bont ar Ogwr sy’n cefnogi nod Llywodraeth Cymru o leihau nifer y plant sy’n derbyn gofal.

Fel aelod anweithredol, mae Peter ar Fwrdd Cymoedd i’r Arfordir (cymdeithas dai) ac mae’n gadeirydd eu Pwyllgor Archwilio ac yn gwasanaethu ar ddau Fwrdd cynghori yng Nghymru - Arolygiaeth Gofal Cymru a Marie Curie.

Treuliodd Peter saith mlynedd fel aelod annibynnol o Grŵp Cyflawni Cenedlaethol GIG Cymru, sy’n rhan o adran Iechyd a Gwasanaethau Cymdeithasol Llywodraeth Cymru, bu’n aelod o Fwrdd a Phwyllgor Archwilio Gofal Cymdeithasol Cymru, yn ogystal â bod yn gadeirydd ar eu Pwyllgor Gwella.