Victoria Bates

Dechreuodd Victoria ei gyrfa yn y GIG fel nyrs, bydwraig. Mae ganddi dros 25 mlynedd o brofiad o weithio yn y gwasanaeth iechyd a’r diwydiant fferyllol mewn rolau masnachol a gweithredol uwch. Mae ei phrofiad yn cynnwys datblygu a darparu rhaglenni strategol ar draws y DU ac Ewrop, cefnogi cydweithrediadau gwyddorau bywyd gyda systemau iechyd i rymuso dinasyddion a gweithwyr iechyd proffesiynol i wella iechyd a llesiant, a sicrhau canlyniadau sy’n bwysig i gleifion. 

Mae Victoria yn Ymgynghorydd Rheoli Annibynnol ar gyfer gwyddorau bywyd ac iechyd. Mae hi’n cefnogi sefydliadau i ddarparu mwy o werth ac adeiladu partneriaethau cydweithredol cynaliadwy. Mae hi’n aelod cysylltiol o Brifysgol Abertawe, lle mae hi wedi cefnogi Addysg Weithredol, gan gynnwys rhaglenni gofal iechyd sy’n seiliedig ar werth a’r MBA. Mae Victoria yn gweithio gyda Chymdeithas Diwydiant Fferyllol Prydain (ABPI) i gefnogi ymgysylltiad strategol â’r GIG ac mae hi wedi datblygu ac arwain strategaeth cynnwys cleifion ABPI. Yn ogystal, mae hi’n darparu ymgynghoriaeth barhaus i amrywiaeth o sefydliadau fferyllol, Technoleg Feddygol, elusennol a gofal iechyd.